Në Pozhoran te Vitise vritet Habib Pira

Gjilan, 18 korrik - Në orët e hershme të mëngjesit të sotëm (rreth orës 4:00) nga persona të panjohur është vrarë në shtëpinë e tij Habib Pira, 51 vjeçar nga Pozhorani i Vitisë. Zëdhënësi rajonal i SHPK së Ismet Hashani ka thënë se rasti tragjik ka ndodhur në momentin kur viktima pasi kishte dëgjuar zhurmën në podrumin e shtëpisë së tij, ka dalë në korridor dhe është qëlluar dy herë në gjoks me armë zjarri nga persona të panjohur. Viktima është gjetur i vrarë nga bashkëshortja e tij. Në vendin e ngjarjes ka dalë edhe njësiti rajonal i hetimeve dhe ai i teknikës kriminalistike si dhe prokurori publik i cili ka urdhëruar që trupi të dërgohet në Institutin mjeko-ligjor për obduksion. Për momentin askush nuk është arrestuar dhe ende nuk dihen motivet e këtij rasti të rëndë që ka tronditë banorët e fshatit Pozhoran dhe Vitisë. I ndjeri Habib Pira ka qenë i inkuadruar me punë të përkohshme në Zvicër, ndërkohë kishte ardhur për pushime në vendlindje