Prishtinë, 27 janar - Sindikata e Policisë së Kosovës, ka vlerësuar se protesta e paralajmëruar për të shtunën nuk është dhe nuk duhet kuptuar si presion, mirëpo është e drejtë sindikale që ka për qëllim shprehjen e pakënaqësisë për moszbatimin e marrëveshjes nga ana e Qeverisë. Nëpërmjet një komunikate, Sindikata e Policisë së Kosovës thekson se i ka parasysh rrethanat ekonomike në vend, andaj edhe asnjëherë nuk ka kërkuar rritje pagash. "Këtu kemi të bëjmë ekskluzivisht me zbatimin e Ligjit të Policisë, përkatësisht me Nenin 59 dhe 60, që ka të bëjë me shtesat", thotë Sindikata e policisë, dhe kërkon nga Qeveria që t'i përmbushë detyrimet që ka marrë përsipër me marrëveshjen e firmosur më 9 tetor 2008 dhe t'i jepet fund pakënaqësive të mëdha të krijuara në radhët e pjesëtarëve të policisë.
Titulli: Sindikata e Policisë kërkon nga Qeveria që t'i përmbushë detyrimet 
Tue Jan 27, 2009 7:01 pm