Çeku: Prishtina pa strategji...

Çeku: Prishtina pa strategji...


Kryetari i
Partisë Social-Demokrate, Agim Çeku, ka deklaruar se Prishtina zyrtare
nuk ka një strategji të qartë për t’ia marrë serbët e Kosovës Beogradit.Në
një intervistë për Top Channel, Çeku propozon që nën shembullin e
vendeve të rajonit, në Kosovë të shpallën disa zona me interes të
veçantë kombëtar, ku do të përqendrohen të gjitha përpjekjet qeveritare
për të ndihmuar serbët, duke i dërguar kështu edhe një mesazh të fortë
bashkësisë ndërkombëtareve.

“Pa zgjidhjen e çështjes se serbëve të Kosovës nuk do të kemi njohje të
tjera, nuk do te kemi integrim ne institucionet ndërkombëtare dhe nuk
do te jemi një vend i qëndrueshëm. Aktualisht për këtë nuk po bëhet
asgjë. Nuk po ndiqen shembujt e disa vendeve te rajonit, ku zona te
tilla janë shpallur ”zona te interesit kombëtar”. Në to duhet te këtë
me shumë zyrtarë, policë e ushtarë, duhet të dedikohen resurse
konkrete. Qeveria nuk po mendon për Kosovën, por vetëm për votën. Ne
duhet te luftojmë për serbët e Kosovës”, ka pohuar Çeku.

Ish-kryeministri Çeku, aktualisht ne krye te një partie të re, të
krijuar pas pavarësisë, mendon se Kosova duhet te zhvilloje zgjedhje të
parakohshme. “Zgjedhjet duhet te mbahen sa më shpejt. Duhet një fillim
i ri për Kosovën. Jam i sigurt që vitin e ardhshëm edhe qytetaret do të
kërkojnë zgjedhje”, ka shtuar Çeku.