Kukës, 24 mars - Eshtë arrestuar autori i vrasjes së dy policëve në Kukës. Afrim Hasani, i identifikuar si ekzekutori i policëve është ndaluar në fshatin Petkaj, ku është kapur gjatë operacionit të kërkimit, në afërsi të banesës së tij, në brigjet e liqenit të Fierzës. Inspektorët e policisë Shkëlzen Dobrushi e Ramadan Hila janë ekzekutuar në pritë në orët e vona të ditës së djeshme në fshatin Shën Mëri të Kukësit në dalje të një lokali. Vrasësi ka qëlluar pa paralajmërim duke lënë të vdekur në vend dy policët dhe më pas është larguar në drejtim të malit. Afrim Hasani ka hyrë në lokal në momentin që dy policët po hynin brenda. Si pasojë e plumbave të dy policët kanë mbetur të vdekur. Presidenti i Shqipërisë Bamir Topui dhe kryeministri Sali Berisha kanë ngushëlluar familjet e policëve të ndjerë.