Mr.VisarS
AdministratoR/DesigneR
Numri i postimeve : 526
Age : 31
Vendi : kosovë
Registration date : 26/09/2008
 |  Titulli: Rama: Dorëheqja e Berishës, zgjidhja më e mirë  Sun Oct 19, 2008 3:08 pm | |
| 
Kryetari
i Partisë Socialiste, Edi Rama, ka kërkuar sërish dorëheqjen e
kryeministrit të vendit Sali Berisha, që sipas Ramës është zgjidhja më
e mirë, për situatën konfliktuale ku ka hyrë vendi muajt e fundit. Rama
tha se Berisha është në konflikt me opozitën dhe me median.“Në
demokraci, kërkesa për dorëheqjen e një kryeministri, që ndodhet në një
gjendje kaq të rëndë, është një kërkesë që buron nga sensi moral dhe
praktik, për të mos toleruar që të rritet kostoja e abuzimit”, theksoi
Rama për mediat, ndërsa shtoi se, “kërkesa ndaj dorëheqjes së
kryeministrit është një kërkesë e përsëritur në të gjitha ato raste,
kur konflikti mes Berishës del në pah me fakte rrëqethëse”.
Më tej, kreu socialist tha se ankesat dhe akuzat ndaj qeverisë, vijnë
nga të katër anët, ndaj e ka cilësuar si skandaloze mos reflektimin e
Berishës. Rama tha se është e patolerueshme rruga e konfliktit që po
ndjek kryeministri i vendit, për këtë ai ka premtuar se politika e re,
ajo që ai pretendon të ndërmarrë pas zgjedhjeve (nëse i fiton ato),
është ajo e dialogut dhe shqetësimeve të popullit.
Rama tha se të gjitha akuzat në drejtim të qeverisë, janë ngritur nga
institucionet e pavarura dhe nga mediat, ndërsa opozita është e
detyruar vetëm t’i nënvizojë ato, duke i denoncuar. “Nuk është detyrë e
opozitës të bëjë hetime”, theksoi shefi i opozitës.
Ai ka ripërsëritur edhe një herë tjetër, lidhjen që kryeministri dhe
anëtarët e tjerë të kabinetit, kanë pasur me tragjedinë e Gërdecit dhe
me ngjarjet dhe akuzat që dolën pas kësaj date. | |
|
